Dy ditë heshtje në Komunën e Tetovës për rrënimin e urës historike të “Kazazëve”. Nga kjo komunë nuk dalin me asnjë qëndrim arsyetues apo kundërshtues ndaj qytetarëve që kërkojnë kthimin e pamjes së vjetër historike të kësaj ure dhe refuzojnë ndërtimin e saj në stil modern.
"Telefonuam deri tek kabineti i kryetares së Tetovë Teuta Arifi por nga atje na drejtuan tek sektori për marrëdhënie me publikun. E zëdhënësit e komunës as që u lodhën të kthejnë përgjigje pasi kuptuan se për çfarë ishim duke u interesuar.
Televizioni SHENJA dje denoncoi prishjen e Urës së Kazazëve dhe planin për ndërtimin e një ure të re prej betoni në stil modern pas ankesave të disa Tetovarëve që shkruan në adresën tonë. Ndërkaq, arsyetimi i Drejtorit të Komunikacionit të Tetovës Hysein Demiri ishte se ura e re prej betoni do ta shkarkojë komunikacionin e dendur në rrugët kryesore të Tetovës", raporton televizioni i Shkupit.