Federer synon Wimbledonin, heq dorë nga Roland Garros - Bota Sot
Federer synon Wimbledonin, heq dorë nga Roland Garros

Tenis

E shtunë, 26 maj 2018

Federer synon Wimbledonin, heq dorë nga Roland Garros

Më: 3 maj 2018 Në ora: 06:23
Roger Federer

Roger Federer disa ditë më parë njoftoi se nuk do të marrë pjesë në Grand Slamin e dytë të vitit Roland Garros që do të zhvillohet në Francë, duke hequr dorë nga turnetë me dhe të kuq, pasi nuk zbriti në fushë as në dy kompeticionet Masters në Monaco dhe Barcelonë.

Zvicerani për herë të parë ka dhënë arsyetimin e tij se përse nuk do të jetë në “French Open” duke marrë thuajse 3 muaj pushim.

“Nuk jam më 25-vjeç, më duhet të kursej energjitë për Wimbledon. E dua më shumë sipërfaqen me bar se sa atë me dhe të kuq, dhe kjo është arsyeja se përse nuk do të jem në “Roland Garros”, tah Federer.

Ndërkohë tenisti nga Baseli konfimroi se do të rikthehet të luajë në turneun e Shtutgartit me datë 11 qershor, natyrisht një kompeticion që zhvillohet në sipërfaqe me bar, po ashtu si “Gerry Weber Open” që do ta mbahet gjithashtu në Gjermani nga data 2 korrik dhe më pas do të jetë pjesë e turneut që dashuron më shumë, në “Grand Slamin” historik të Wimbledon. 36-vjeçari pas fitores në Roterdam në muajin shkurt u shndërrua në tenistin me moshën më të madhe që merrte vendin e parë në renditjen ATP, por në mars këtë pozicion ia ktheu sërish Rafa Nadalit.

“Mbreti Roger” e ka preferuar gjithnjë shumë më shumë sipërfaqen me bar se sa atë me dhe të kuq, ç’ka vërtetohet edhe nga trofetë e fituar, 8 triumfe në Wimbledon, vetëm një sukses në “French Open”.

Sot mund të lexoni Shfletoni kopertinat
Sondazh
test