Policia italiane në Venezia ka vënë në pranga një shqiptar 32-vjeçar, të kapur me 1 kilogram kokainë në makinë.
I arrestuari është Edmond Prekdukati, banues në Milano. Gjatë kontrollit të ushtruar në makinën e tij tip “Citroen C3”, policia ka gjetur të fshehur drogën, në një shtresë të modifikuar në ndenjësen e pasme të makinës. Sipas policisë, shqiptari do takohej me dikë për të shitur drogën, por këtë e kanë penguar forcat që kanë ndërhyrë për të bërë kontrollin.
Dyshohet se kokaina ka ardhur direkt nga Holanda dhe do të futej në tregun e Venecias. Edmond Predukati aktualisht ndodhet në burgun e Venecias, duke pritur dënimin.