Rrjeti sociale, Twitteri, po e ndryshon mënyrën e paraqitjes së mesazheve.
Shërbimi i mikroblogut Twitter do të lejojë tani që në krye të faqes të dalin mesazhet e njerëzve me të cilët është lidhur përdoruesi, pastaj të shfaqen mesazhet e tjera në kohë reale.
Formati i ri synon ta gjallërojë shërbimin Twitter, i cili përballet me vështirësi për të tërhequr përdorues.
Gjatë fundjavës që kaloi, rrjeti Twitter u përmbyt nga zërat se ai po e ndryshonte pamjen për t’i ngjarë më shumë Facebook-ut në mënyrën e paraqitjes së mesazheve.
Ekzekutivi i Twitterit Jack Dorsey u detyrua të shfaqej në rrjet dhe të komunikonte me përdoruesit, duke u thënë se mënyra e paraqitjes së mesazheve në kohë reale nuk do të ndryshojë.
Ndaj Twitterit është shtuar trysnia për të rritur numrin e përdoruesve dhe çmimi i aksioneve të tij ka rënë ndjeshëm.
