Apple iPhone 6S Plus shitet për 749 dollarë në SHBA, mirëpo fableti më i ri i Apple i kushton kompanisë amerikane 236 dollarë për tu prodhuar.
Në koston prej 236 dollarëve përfshihen të gjitha pjesët dhe prodhimi i pajisjes, ndërsa iPhone 6S thuhet se i kushton Apple 20 dollarë më pak për tu prodhuar.
Dhe kjo do të thotë se Apple po krijon një profit marramendës prej 513 dollarëve nga secila njësi e 6S Plus.
Para pak kohe, Apple njoftoi se ka arritur të shesë më shumë se 13 milionë njësi të iPhone 6S dhe 6S Plus që në fundjavën e parë, një rritje në shitje nga 10 milionë sa kishte me iPhone 6.
Muajin e ardhshëm pritet që Apple t’i publikojë rezultatet financiare dhe pritet që Apple të njoftojë edhe për sasinë e re të shitjeve të modeleve të reja të iPhone.