Apple ende nuk e ka lansuar zyrtarisht numrin e njësive të shitura të orës së menӓur, Apple Watch, ndërkohë që nëpër internet kanë filluar të qarkullojnë parashikimet.
Sipas një raporti të fundit nga kompania IDC, shitjet e Apple Watch mund të arrijnë në 3.6 milionë njësi në çerekun e dytë të vitit.
Nëse numri është i saktë, Apple do të zinte vendin e dytë për çerekun e dytë, në shitjet e pajisjeve të cilat mund të barten në trup.
Në vend të parë qëndron kompania Fitbit, me gjithsej 4.4 milionë shitje të produkteve të saj.
Në ndërkohë, drejtori ekzekutiv i Apple ka bërë të ditur së fundmi se shitjet e Apple Watch kanë tejkaluar pritjet e kompanisë si dhe kanë qenë më të larta se iPhone dhe iPad origjinal, në periudhën e njejtë kohore.
