Motorola bëri një gabim të sikletshëm. Kompania amerikane e telekomunikacionit, që tashmë është në pronësi të Lenovo, aksidentalisht publikoi një faqe interneti që tregonte versionin e ardhshëm të smartphone-it Moto G, i cili nuk pritet të dalë deri javën e ardhshme.
Një përdorues i vëmendshëm i platformës Reddit e dalloi këtë gabim dhe postoi një foto të të dhënave të telefonit.
Moto G është me një çmim mesatar dhe modeli i ri do të jetë me disa ngjyra të ndryshme dhe me një memorie 16GB. Në një intervistë javën e kaluar, zyrtari i lartë i Lenovos, Gianfranco Lanci tha për amerikanen CNBC se progresi me Motorola është në rrugën e duhur.
