Samsung Pay pritet të lansohet dikur gjatë muajit shtator dhe sipas një raporti të fundit, shërbim i ri i pagesave mobile të Samsung ka hyrë në fazat përfundimtare të testimit.
Samsung Pay pritet të nisë fillimisht së ofruari në Korenë e Jugut dhe në SHBA këtë shtator, ndërsa është bërë e ditur se Samsung është tani në fazën finale të testimit në Korenë e Jugut.
Samsung është duke punuar me ofruesit e kredit dhe debit kartelave në Korenë e Jugut për të provuar Samsung Pay në vendin e saj të origjinës, fillimisht.
Samsung duket se ka pasur një numër çështjesh të hapura me sistemin e tyre të ri të pagesave mobile, dhe kompania shpreson ti eliminojë ato para se shërbimi të fillojë në fund të kësaj vere.
