Deri më tani Shazam ju ka ndihmuar të gjeni emrin e një këngë që ju pëlqen, po tani e tutje mund t’ju tregojë edhe për një film apo event tjetër. I quajturi Shazam Visual do ju lejojë të skanoni një foto dhe mund t’ju çojë tek traileri i filmit.
Gjithashtu, me Shazam Visual do të mund të kërkoni për një event duke skanuar një pjesë të biletës, ose mund të kërkoni për një libër, duke skanuar pjesën e të ashtuquajturës “quick response code”.
Për të përdorur këtë shërbim të ri të Shazam, duhet që të shkarkoni dhe instaloni përditësimet e fundit për iOS dhe Android. Pasi të kryeni këtë veprim, në këndin e majtë të celularit tuaj do ju shfaqet simboli i kameras, që duhet ta klikoni nëse dëshironi të shfrytëzoni këtë shërbim.
Para se të lëshohej për përodrim ky shërbim, Shazam ka firmosur disa marrëveshje me shtëpi botuese dhe kompani që prodhojnë filma.
