Në një artikull te publikuar nga Sammobile.com, bëhet e ditur nga Samsung se kompania është duke punuar në tabletin e ri të gjeneratës Galaxy Tab S.
Galaxy Tab S sipas këtij artikulli thuhet se do të jetë më i hollë se Apple iPad Air, dhe do të përmbaj ekran të dimensioneve 4:3. Për më shumë, janë bërë të ditura edhe specifikat e pajisjes së re Galaxy Tab S.
Sipas informatave të reja, dihet se pajisja do të vijë në 4 modele: vetëm me Wi-Fi, WiFi + LTE si pasardhës i dy modeleve të mëparshme – Galaxy Tab S2 9.7 dhe Galaxy Tab S2 8.0.
Të gjitha këto modele pritet të lansohen ne qershor, së bashku me versionin e ri origjinal, Galaxy Tab S.
Tabletët e ri do të lansohen anembanë botës, duke përfshirë SHBA-të, Kanadanë, tregjet evropiane, Kinën, Amerikën Jugore, Hong-Kongun, Korenë dhe Indinë.
Sipas informatave të deritanishme, Galaxy Tab S2 do të ketë material premium me performanca sikurse procesorin 64-bit Exynos, 3GB RAM, 32GB memorie, hapësirën për kartelën microSD, sistem operativ Android 5.0.2 Lollipop dhe ekran Super AMOLED me rezolucion 2048x1536 piksel.
Versioni 8-inç i pajisjes do të ketë dimensione prej 198.2x134.5x5.4 mm, ndërsa modeli 9.7inç vjen me 237.1x168.8x5.4mm.
Të dyja modelet konsiderohen të jenë të lehta, prej 260 gram (modeli i parë) dhe 407 gram (modeli me 9.7”)
