Në një zhvillim që ka pushtuar të gjitha faqet e mediave ndërkombëtare, gjigandi amerikan Tesla Motors ka zbuluar për herë të parë bateritë që mund të furnizojnë shtëpitë dhe bizneset.
Kjo është një përpjekje e Tesla për të shtrirë aktivitetin e saj përtej biznesit të makinave elektrike.
Shefi ekzekutiv, Elon Musk tha se firma do të ndërtojë bateri, që do ruajnë energjinë diellore dhe do të shërbejnë si një sistem ‘back-up’ për konsumatorët gjatë mungesës së energjisë nga burimet e tjera.
Tesla planifikon që bateritë të jenë në shitje që këtë verë në SHBA.
Duke folur pranë Los Angeles, në një aktivitet që u ndoq me shumë interes, Musk tha se kjo lëvizje do të ndryshojë të gjithë infrastrukturën e energjisë në botë.
Kompania bëri të ditur se ky është një hap i rëndësishëm për të prodhuar energji me zero emisione.