Me sa duket tani kemi detaje për çmimet e modeleve të reja të telefonave të Samsung, përkatësisht modeleve të fundit Samsung Galaxy S6 dhe Galaxy S6 Edge për Evropë.
Dega e Samsung në Holandë ka filluar shitjen me para-porosi për Galaxy S6 me 32GB të cilin e shet për 700 euro, ndërsa modeli me 32GB i S6 Edge do të shitet për 850 euro.
Samsung nuk e ka zbuluar çmimin e variantit me 64GB dhe 128GB të Samsung Galaxy S6 dhe Galaxy S6 Edge.
Nëse keni harruar, të dy modelet e telefonit të Samsung vijnë me procesorin 8 core Samsung Exynos 7420 dhe 3GB RAM. Ekrani i tyre ka diagonalen prej 5.1 inç në Quad HD me rezolucionin prej 2560 x 1440 pikselëve.
