Avancimi i teknologjisë ka sjellë disa risi në jetën e përditshme të cilat e kanë përmirësuar atë.
Por krahas sukseseve ka pasur edhe një sërë dështimesh teknologjike të cilat ishin reklamuar me bujë.
Ja cilat janë disa nga sukseset teknologjike të vitit 2014.
Sukseset e vitit 2014:
Droni. Nuk bëhet fjalë natyrisht për dronin e Beogradit, por për ata që mund të kryejnë veprime të dobishme. Droni është përdorur masivisht këtë vit për fotografim nga ajri, monitorim ambienti, situata emergjencash, dërgesa ajrore etj.
iPhone6. Risia e Apple ka sjellë një shifër kolosale fitimesh. Nxjerrja në shtator e këtij telefoni ka rritur në total em 26 përqind fitimet e kompansë.
Privatësia në rrjet dhe Blackphone. Pas deklaratave të spiunit Snouden rrjetet sociale nisën t;a merrnin më seriozisht ruajtjen e privatësisë, një sukses ky për përdoruesit. Gjithashtu një risi ishte Blackphone, telefoni i papërgjueshëm. Mijëra copë u shitën në daljen e tij në korrik.
Instagram. Përsa u përket rrjeteve sociale ky vit që po lëmë pas ka qenë i shenjuar nga Instagram. 300 milionë përdorues dhe 70 milionë video dhe foto që ngarkohen çdo ditë. Ka lënë pas edhe Twitteri përpos një jetëgjatësie më të madhe.
