Lenova ka prezantuar një prototip të syzeve të mençura që pritet të rivalizojnë Google Glass.
Kompania është duke shpresuar që me pajisjen e publikuar të shtunën të rivalizojë Googlen që tashmë ka zgjeruar tregun me syzet e suksesshme Google Glass.
Ndryshe nga Google, Lenovo në syzet e reja ofron një pako të ndarë të baterive që do të vendosen në qafën e përdoruesit, duke siguruar një fuqi më të madhe sesa Google Glass.
Firma kineze është duke shpresuar që të gjejë partnerë për t’i ndihmuar në promovimin e syzeve të mençura.
Më herët gjatë këtij viti, Lenovo ka raportuar se ka shënuar rekord në shitjen e kompjuterëve, telefonave të mençur dhe tabletëve.