Nokia ka zbuluar modelet e reja të Lumia 930, 635 dhe Lumia 630.
Nokia Lumia 930 sjell ekranin me diagonalen prej 5 inç në full high definition me rezolucion prej 1920 x 1080 pikselëve, në teknologjinë e ekranit Nokia ClearBlack OLED.
Modeli i ri i telefonit të Nokias do të vijë me versionin më të ri të sistemit operativ të Microsoft, Windows Phone 8.1.
Kamera e pasme e Nokia Lumia 930 vjen me 20 megapiksel në PureView, stabilizimin optik të fotografisë (OIS) dhe optikën e ZEISS, ndërsa kamera e përparme e telefonit është në HD me 1.2 MP.
Telefoni është pajisur me procesor quad core 2.2 GHz Snapdragon 800 nga Qualcomm, bashkë me 2GB RAM.