Sipas shkrimit në Bloomberg i cili thirret në burime anonime brenda Intelit, Paul Otellini, shefi i kësaj kompanie, në një mbledhje të mbyllur me të punësuarit e vet në Tajvan ka thënë që Microsofti është duke e plasuar sistemin e ri operativ Windows 8 në treg para se të jetë krejtësisht i përfunduar. Sipas Bloomberg, Otellini mendon që në Windowsin e ri duhet të futen edhe përmirësime shtesë, por pret që Microsofti ta bëjë këtë pas paraqitjes së produktit. Po ashtu ai konsideron që kjo është në rregull sepse në fund të gjitha do të rregullohen.
Nëse lajmi për fjalimin e Otellinit është i saktë (po edhe nëse nuk është), është një goditje goxha e rëndë për Microsoftin i cili për dallim nga lansimet e mëparshme të Windowsit duhet të luftojë kryesisht me komentet negative dhe pritjet lidhur me Tetëshin.
