Autoritetet iraniane kanë rikthyer qasjen në Gmail, një javë pasi kanë bllokuar shërbimin e dërgesave online të kompanisë Google.
Megjithatë, raportet nga Teherani thonë se zyrtarët qeveritarë janë duke punuar për masa të reja të cënsurës kundër ueb-faqes së videove, YouTube, po ashtu pronë e Google-it.
Irani ka bllokuar Gmail-in javën e kaluar, duke iu përgjigjur fragmenteve të një filmi anti-islamik që ka publikuar YouTube dhe që kanë nxitur trazira vdekjeprurëse në botën myslimane.
Ndalesa ndaj Gmailit ka nxitur ankesat e përdoruesve.
Mohammad Reza Aghamiri, anëtar i Komitetit Mbikëqyrës të Internetit, ka thënë sot se autoritetet kanë hequr ndalesën për Gmail-in, pasi kanë zgjidhur problemet teknike për të ndarë YouTube-in dhe Gmail-in.
YouTube vazhdon të mbetet i bllokuar në Iran.