Ata janë lodrat e dashura e besnike që marrin jetë kur nuk po i sheh njeri dhe 20 vite pas shfaqjes së filmit të parë, Woody dhe Buzz do të kthehen në ekranin e madh me “Toy Story 4”.
Studioja e filmave të animuar Pixar ka konfirmuar se filmi i ri do të mund të shihet në 21 qershor të vitit 2019.
Por, fansat nuk e kanë pritur njësoj lajmin. Disa ishin të emocionuar nga fakti që do të ketë një film të katërt, ndërsa disa të tjerë mendojnë se nuk duhet të ishte prodhuar një film tjetër, pasi kjo sagë ka pasur një përfundim të qartë te filmi i tretë.
