Twitter merr masa pas çaktivizimit të llogarisë së Trumpit

Teknologji

Twitter merr masa pas çaktivizimit të llogarisë së Trumpit

Më: 3 nëntor 2017 Në ora: 20:38
Twitter

Rrjeti social Twitter, njoftoi sot marrjen e masave mbrojtëse pasi një prej punonjësve çaktivizoi për një kohë të shkurtër llogarinë e presidentit amerikan, Donald Trump.

“Këto masa, që Twitter nuk i detajon, duhet të merren që kjo situatë të mos të ndodhë më”, theksoi grupi në llogarinë e tij, Twitter Government.

Një i punësuar në Twitter, pas largimit nga puna, u argëtua duke çaktivizuar dje llogarinë e presidentit amerikan Donald Trump, që u riaktivizua menjëherë vetëm brenda pak minutash, njoftoi rrjeti social.

Rreth orës 19:00 (23:00 GMT), vizitorët e llogarisë “@realDonaldTrump” lexuan mesazhin “Kjo faqe nuk ekziston”.

Fillimisht “Twitter” kishte njoftuar se llogaria e Donald Trump ishte çaktivizuar nga pakujdesia për shkak të një gabimi të kryer nga një punonjës i rrjetit social.

“Sot në mëngjes, llogaria @realDonaldTrump ishte çaktivizuar nga pakujdesia për shkak të një gabimi njerëzor të kryer nga një punonjës i Twitter”, kishte njoftuar kompania.

Sot mund të lexoni Shfletoni kopertinat