Kryetari i Komunës së Strugës, Ziadin Sela priti kandidatin për deputet në Kroaci për pakicat kombëtare, Idris Sulejmani.
Sulejmani e njoftoi kryetarin në lidhje me proceset në Kroaci dhe shqiptarët që jetojnë e punojnë atje.
“Procesi që po zhvillohet është mjaft i rëndësishëm për shqiptarët atje, kërkoj dhe ndihmën tuaj që ta përcillni këtë mesazh”- u shpreh Sulejmani.
Nga ana tjetër kryetari Sela u shpreh se mbështet çdo iniciativë politike në diasporë dhe se do të japë kontributin e vet në këtë drejtim.
