Kryeministri i Kosovës, Ramush Haradinaj, priti në takim kryetarin e tifozëve “Dardanët”, Lulzim Berisha me bashkëpunëtorë.
Gjatë takimit, ai u njoftua me nevojat dhe kërkesat e “Dardanëve”, si përshpejtimi i ndërtimit të stadiumit nacional “Dardania Arena”, pasi sipas tyre ai duhet të mbajë këtë emërtim.
Po ashtu është biseduar për zbatimin e Ligjit për Sponsorizim, si dhe legalizimin e një hapësire në kryeqytet për veprim dhe akomodim të tyre.
Haradinaj u zotua se do t’i mbështesë “Dardanët” në misionin e tyre për ta ngritë lart imazhin e vendit, kudo që ata paraqiten, duke shfaqur besnikërinë e tyre ndaj atdheut përmes animit fer, por edhe duke krijuar lidhje të reja e miqësore me tifozët vendase dhe ndërkombëtarë.