Valencia nuk lëshon pe për Shkodran Mustafin, i cili kërkohet me ngulm nga Arsenali.
Skuadra angleze po përballet me probleme të shumta në fazën e mbrojtjes, pasi që Per Mertesacker dhe Gabriel Paulista janë të lënduar.
Kësisoj, Arsene Wenger e kërkon me çdo kusht Shkodran Mustafin, mirëpo Valencia, i ka vënë çmim prej 50 milionë funtesh atij, transmeton KosovaPress.
Sipas gazetës angleze ‘The Mirror’, kjo shifër e lartë mund ta largojë Arsenalin nga interesimi për Mustafin, pasi që klubi londinez e vlerëson lojtarin 25 milionë funte.