Salihaj: Arsim Bajrami, i papërgjegjshëm

Lajme

Salihaj: Arsim Bajrami, i papërgjegjshëm

Më: 11 qershor 2016 Në ora: 09:55
Jonuz Salihaj

Eksperti i arsimit, Jonuz Salihaj, ka deklaruar se deklarata e ministrit të Arsimit, Arsim Bajrami, se matura e këtij viti ka qenë më e suksesshmja, është një deklaratë skajshmërisht e papërgjegjshme.

Opozita ka kërkuar përgjegjësi nga Ministria e Arsimit, Shkencës dhe e Teknologjisë e Kosovës (MASHT) lidhur me provimin e maturës, testet e të cilit u bënë publike në rrjetet sociale para se të mbahej provimi. Por, kjo kërkesë ka kaluar sikurse viteve të tjera nën refrenin e Ministrisë se “provimi ka qenë i suksesshëm”.

Në seancën e së enjtes së Kuvendit të Kosovës, deputeti i LDK-së, anëtar i Komisionit Parlamentar për Arsim, Shpejtim Bulliqi, ka thënë se testi që është mbajtur të shtunën ka kaluar me probleme. Bulliqi tha se në shumë shkolla janë lejuar në mënyrë të lirshme nxënësit të përdorin mjete të ndryshme siç janë telefonat dhe mjete të ndryshme të kopjimit.

“Kurse në të gjitha rrjetet sociale arritën të barten pyetje të ndryshme të testit të maturës. Rezultatet që do të dalin do të jenë të pavlefshme, sepse kemi pasur lëshime”, ka thënë ai, me propozimin se që nga viti i ardhshëm, testi të digjitalizohet.

Sot mund të lexoni Shfletoni kopertinat