Krerët e shtetit dhe komuniteti sportiv i Kosovës janë mbledhur për të festuar anëtarësimin e Kosovës në organizatën më të madhe të sportit në Evropë - UEFA.
Në këtë ceremoni presidenti i Kosovës Hashim Thaçi, kryeministri Isa Mustafa dhe kryeparlamentari Kadri Veseli kanë uruar anëtarësimin e Kosovës në UEFA dhe kanë premtuar mbështetje nga institucionet shtetërore për futbollin vendas.
Ndërkaq, presidenti i Federatës së Futbollit të Kosovës, Fadil Vokrri, tha se emocionet dhe drithërimat nuk përfunduan me anëtarësimin në UEFA, por ato do të vazhdojnë me përgjegjësinë dhe punën e madhe që duhet të bëhet tani e tutje.
Urime dhe përkrahje për futbollin kosovar shprehu edhe nënkryetari i Federatës së Futbollit të Gjermanisë,Rainer Milkoreit.
Ai tha se së shpejti do të nënshkruhet një memorandum bashkëpunimi dhe me këtë, suksesi i futbollit kosovar është i garantuar.