Vushtrria duket se po dorëzohet me mbetjen në elitë me humbjen në Gjilan me rezultat 3:1 nga Drita. Vushtrria sipas të gjitha gjasave humbën statusin e elitës së futbollit, për shkak se edhe katër ndeshje që janë deri në fund do ta kenë të vështirë të bëjnë diçka, por fundja gjasat teorike ende i ka. Drita arkëtoi tri pikle të rëndësishme në luftë për mbijetesë. Alban Shillova në minutën e 13-të kaloi në epërsi Dritën, ndërsa Daut Maxhuni barazoi në atë të 38-tën. Goli i Maxhunit shtoi shpresë të vushtrriasit se mund të nxjerrin rezultat më të mirë, por kështu nuk ngjau në pjesën e dytë, pasi që skuadra gjilanase shënoi dy gola të shpejt. Xhevdet Shabani në minutën e 54-të dhe pas dy minutave edhe Shqipërim Kelmendi dhe ia siguruan një fitore domethënëse skuadrës së tyre.
Vushtrria tani është ngujuar në fund me vetëm 25 pikë të mbledhura.