Javën e kaluar u përfol se Leo Mesi kishte paguar 32 milionë euro për një “Ferrari”, gjatë një ankandi të zhvilluar në Francë.
Argjentinasi u është kundërpërgjigjur me shaka aludimeve duke postuar një foto në “Instagram”, ku shfaqet me një makinë të kuqe lodër në dorë, me një mesazh: “Makina ime e re”.
Bëhet fjalë për një “Ferrari 335 S”, Spider Scaglietti, që me blerjen 32 milionë euro është kthyer në makinën më të shtrenjtë në botë.
Makina ishte blerë në vitin 1970 nga piloti dhe koleksionisti francez Pierre Bardinon, i cili vdiq në vitin 2012. Ende nuk dihet identiteti i blerësit të ri . Një ekspert i historisë së “Ferrari”-t, Marsel Masini, e ka përshkruar makinën si “maksimumin e maksimumit”.