Futbollisti i Bayern Munihut, Arjen Robbenit, ka sqaruar gjërat se do të shkojë apo jo në Manchester City. Ai tha se nuk pret t’i bashkohet trajnerit Pep Guardiola te Manchester City. Futbollisti i kombëtares së Holandës thotë se as që mendon rikthimin në Premier League. “Mendoj se ishte momenti i duhur që të sqaroj disa gjëra për të ardhmen. Të gjithë e dinë se çfarë do të ndodhë. Ka spekulime të shumta dhe mendoj se është koha t’i sqaroj disa gjëra sa më shpejtë që të jetë e mundur. Jo, ai nuk më pyeti që t’i bashkohem atij te Manchester City. Nuk mendoj se do ta bënte këtë, as me mua as me lojtarët tjerë”, tha Robben.