Arsenali ka arritur fitore kundër Bournemouthit me rezultat 0-2.
Topçinjtë ishin më të mirë gjatë gjithë ndeshjes dhe kjo ishte një fitore plotësisht e merituar.
Goli i parë erdhi në minutën e 23-të nga ylli gjerman, Mesut Ozil, i cili u asistua nga Olivier Giroud.
Vetëm pas një minute shënoi Alex Oxlade-Chamberlain, pas një asistimi nga Aaron Ramsey.
Pjesa e dytë ishte me raste, posaçërisht nga mysafirët, por pa gola.
Pas kësaj fitore Arsenali ngjitet në pozitën e tretë me 48 pikë, ndërsa Bournemouthi në vendin 15 me 28 pikë.
Ndeshja e ardhshme e londinezëve është ndaj Leicester Cityt.