Skuadra e St. Gallenit ka qenë i pafat para shikuesve të vet, duke e nisur me humbje pjesën e dytë të Kampionatit të Zvicrës. Futbollisti shqiptar, Albert Bunjaku, ndryshe anëtar i kombëtares së Kosovës, u paraqit titullar, por nuk i shkoi mbarë me ekipin e tij. Vendasit kaluan në epërsi me golin e Aleksiq në minutën e 36-të, por kjo nuk iu mjaftoi, ngase mysafirët shënuan përmes Buess (52’) e Wieser (94’) dhe u kthyen me tri pikë. St. Gallen është në vend të gjashtë me 23 pikë sa ka edhe Thun një pozitë më poshtë pas 19 javëve.