Ermir Lenjani është kthyer në titullar të padiskutueshëm te skuadra e tij Nantes dhe me lojërat e tij i ka bërë të gjithë për vete.
Mesfushori këmbëshpejtë i Kombëtares shqiptare e ka nisur edhe këtë herë ndeshjen nga minuta e parë për të qëndruar në fushë deri në fund dhe për tu dalluar si në fazën ofensive ashtu edhe në defensivë.
Lenjani kishte disa aksione mjaftë të bukura në krahun e majtë të mesfushës, por u dallua shumë edhe në fazën defensive ku u lavdërua nga mediat franceze pas ndeshjes.
Nantes arriti të ndalë në barazim pa gola 0-0 Lyonin, në një ndeshje ku të dyja skuadrat kishin raste shënimi.
Kujtojmë që në këtë takim, kapiteni i Shqipërisë, Lorik Cana nuk u aktivizua fare duke qëndruar në bankë për gjatë 90 minutave.
Pas këtij barazimi, Nantes zë vendin e 10-të në tabelë me 21 pikë të tubuara.