E kemi parë edhe herë tjetër, kur danezët i lanë pushimet për të shkuar në një Europian, madje e fituan atë.
Ndodhi në vitin 1992, danezët shpresojnë të ndodhë sërish.
Kështu shkruajnë disa portale të huaja.
World Soccer thotë se kreu i Federatës Armene të Futbollit thonë se ndeshja kundër Shqipërisë ka qenë e manipuluar.
Ruben Hayrapetian thotë se disa nga lojtarët e “kanë tradhtuar” kombëtaren.
“Edhe trajneri më i mirë në botë të ishte, sërish ajo ndeshje do ishte fituar nga shqiptarët,” thotë ai, duke premtuar se do gjejë prova për shitjen e ndeshjes.
Disa nga tabloidët danezë kanë nisur t’i bëjnë presion UEFA-s që të nisë hetimet, duke theksuar se kjo është një akuzë shumë e rëndë.
Jyllands Posten shkruan se akuzat e bëra janë të besueshme.
Sipas një gazetari armen, presidenti është një njeri i besueshëm.
“Ai nuk është një i çmendur që bërtet pa asnjë arsye. Nuk e vë në dyshim integritetin e tij,” tha Suren Musayelyan.
“Ai thotë se mund të gjejë prova për këtë. Nëse ka ndodhur diçka, ai është personi që mund të gjejë prova,” tha ai.
