Pas përfundimit të konferencës për shtyp nga presidenti Florentino Perez, ku konfirmoi besimin në trajnerin Rafael Benitez dhe Cristiano Ronaldon, kanë reaguar tifozët e Real Madridit.
Fansat e klubit ‘mbretëror’ nuk ndalen së kërkuari largimin e presidentit Perez.
"Ne jemi Los Blancos, ne nuk jemi ti!", kanë shkruar në faqen zyrtare të fansave duke iu drejtuar Perezit, të cilit i është kërkuar largimi nga humbja në El Clasico me rezultat të thellë prej 4-0.
Por ky i fundit, rikonfirmoi vazhdimin e projektit me të si president dhe me Rafa Benitezin në krye të klubit.
Kujtojmë se tifozët i kërkuan dorëheqjen Perezit edhe pas përfundimit të ndeshjes gjatë fundjavës.
