Sulmuesi shqiptar, Besart Berisha, me ekipin e Melbourne Victory, e nisin me barazim kampionatin australian. Melbourne Victory si mysafir u nda baras (0:0) me Adelaide United. Futbollisti shqiptar luajti titullar, u angazhuan mjaft, megjithatë, u desh të kënaqen me një pikë, kur kihet parasysh se nga minuta e 72-të mbeten me një futbollist më pak, kur Broxham u përjashtua për shkak të dy kartonëve të verdhë. Berisha me ekipin e tij nisën misionin për mbrojtjen e titullit të kampionit. Sulmuesi nga Prishtina u zëvendësua në minutën e 90+4, ndërsa skuadra e tij është favorite për titullin e kampionit.