Fadil Vokrri tha se me siguri do të shkojë në Elbasan, ku beson se do të jetë një festë sportive dhe Shqipëria do të mund të sigurojë Kampionatin Europian: "Unë nuk do të komentoj mbi atë që ka ndodhur në Beograd vitin e kaluar. Ka vendime të UEFA-s dhe të Gjykatës Sportive të Lozanës për këtë çështje".
Shqiptarët janë një në ndeshjen e 8 tetorit, ndaj Serbisë. Luhet për ngjyrat e kombit, para së gjithash, për një kualifikim, që do të ishte historik për kuqezinjtë, nëse sigurojnë finalet e “Francë 2016”.
Prandaj, ai është shumë i kërkuar për intervista nga mediat serbe para kualifikueses së të enjtes, në “Elbasan Arena”. E përditshmja “Novosti” e ka pyetur ish-futbollistin e njohur nga Kosova për situatën dhe pritshmëritë në këtë ndeshje kualifikuese, ndërsa Vokrri është munduar t’i qetësojë, duke u thënë se gjithçka po shkon sipas planeve. “Kosova nuk e ka fituar ende të drejtën për të marrë pjesë në kualifikimet europiane, sepse është njohur nga 111 vende deri tani, por së shpejti shpresoj të kem mundësinë të flas edhe për kombëtaren e shtetit tonë,” – thotë presidenti i Federatës së Futbollit të Kosovës, Fadil Vokrri.
Shqipëria, kombëtarja e kombit, ka një shans të mirë për të shkuar për herë të parë në finalet e një kompeticioni të madh, sikurse është “Euro 2016”, ndaj për këtë arsye është tepër e rëndësishme ndeshja e ardhshme kundër Serbisë. Këtë gjë nënvizoi për “Novosti” edhe ish-futbollisti i Partizanit të Beogradit, Fadil Vokrri. Ai tha se me siguri do të shkojë në Elbasan, ku beson se do të jetë një festë sportive dhe Shqipëria do të mund të sigurojë Kampionatin Europian.
“Unë nuk do të komentoj mbi atë që ka ndodhur në Beograd vitin e kaluar. Ka vendime të UEFA-s dhe të Gjykatës Sportive të Lozanës për këtë çështje. Me aq sa jam i informuar, Federata Shqiptare e Futbollit dhe agjencitë e zbatimit të ligjit në vend kanë ndërmarrë të gjitha masat e nevojshme, ndaj gjithçka po shkon sipas planit. Ajo ndeshje duhet të jetë një festë sportive, një festival sportiv,” – shtoi Vokrri, duke vënë në dukje se në të kaluarën, në media dhe në publik, ndeshjes që do të luhet në Elbasan i është bërë publicitet negativ.
Vokrri shpreson se Kosova së shpejti do të fillojë për të luajtur në një shumëllojshmëri të kualifikimeve, të bëhet anëtare e UEFA-s, gjë për të cilën ka aplikuar. “Komiteti Ekzekutiv i UEFA-s e ka dërguar dosjen tonë në kongresin e ardhshëm. Ne presim që ky kongres të jetë në fillim të vitit të ardhshëm, duke pasur parasysh problemet aktuale në UEFA dhe FIFA-s,” – parashikon Vokrri për “Novosti” . – Ne kemi lojtarë të mirë, shumë kanë shkuar në klubet shqiptare, për të luajtur në ligën atje, por ka lojtarë të rinj, që tani luajnë në klube të ndryshme europiane. Kjo është dëshmi se kemi talente në futboll.”
