Manchester City ka bërë një rikthim sensacional ndaj Newcastle United duke fituar me rezultat 6-1 në Etihad Stadium.
Të parët kaluan në epërsi mysafirët me golin e Aleksandar Mitrovic (18’), ndërsa rezultati u barazua në fund të pjesës së parë me golin e parë të Sergio Agueros (42’).
Shpërthimi i nikoqirëve, e sidomos Agueros, ndodhi në fraksionin e dytë. Argjentinasi shënoi golin e epërsisë për vendasit me të filluar gjysma e dytë (49’).
Shumë shpejt (51’), Kun e kompletoi het-trikun, ndërsa golin e katërt e realizoi Kevin de Bruyne (54’).
Aguero nuk u ndal së shënuari. Ai realizoi edhe dy gola të tjerë radhazi (60’, 62) për ta ngritur epërsinë në 6-1.
Pas këtij triumfi, Manchester City kthehet në krye të tabelës me dy pikë më shumë se rivali lokal, Manchester United, që këtë javë luan si mysafir i Arsenalit.
