Alternativa e fundit për pozitën e sulmuesit te Arsenali ishte Simone Zaza, por edhe ky mbeti vetëm një dëshirë.
Tregu i transferimeve është mbyllur dje(e martë) në ora 19:00 dhe Topçinjtë në çdo minutë ishin në kërkim të një sulmuesi qendror.
Sipas Sky, londinezët në orët e fundit kanë kontaktuar me agjentin e italianit dhe pastaj edhe me klubin bardhezi.
Por, ekipi i Massimiliano Allegrit e kishte refuzuar ofertën, pasi nuk kishte mundësi për ta zëvendësuar lojtarin.
Besohet se Arsenali ka ofruar rreth 30 milionë euro për sulmuesin 24-vjeçar.
Zaza ende nuk ka bërë asnjë paraqitje zyrtare për kampionin italian.
