Humbja e Manchester United në udhëtim me rezultat 2:1 nga Swansea ishte e pasqyruar në fytyrën e trajnerit Van Gaal. Trajneri i Manchester Utd nuk u tregua aspak miqësor me gazetarët. Në pyetjen e fundit, një gazetar e pyeti atë për afatin kalimtar të klubit, por Van Gaal nuk e përtypi dot këtë pyetje dhe u kundërpërgjigj.
“Po më pyet për gjëra që unë nuk i di. Mendon se je më inteligjent se unë por më vjen keq që nuk është kështu”.
Një përgjigje e papritur për gazetarin që replikoi duke i theksuar se nuk kishte ndërmend ta ofendonte trajnerin, por Van Gaal ritheksoi:
“Më vjen keq dhe po ta përsëris që nuk je më inteligjent se unë. Më bën përherë të njëjtat pyetje të merkatos dhe unë nuk di si të të përgjigjem”.
