Ka vazhduar gara e çiklistëve në ditën e dytë të Tour de Kosova në shtegun Ferizaj-Pejë të gjatë 147 kilometra, ku më i miri ishte çiklisti nga Shqipëria anëtar i i ekipit “Apollonia” nga Fieri. Shtegun kryesisht të sheshtë fieraku e përshkoi për 4h21’21”, duke lënë në vendin e dytë kolegun e tij nga ekipi Stefan Petrovski dhe në vendin e tretë u rendit anëtari i Përfaqësueses së Kosovës dhe fituesit i etapës së parë Alban Nuha.
Duhet theksuar se kemi shumë vështirësi për të ardhur deri të rezultatet, me gjithë numrin e vogël të pjesëmarrësve Federata e Çiklizmit e Kosovës, nuk ka arritur të sigurojë kapacitete dhe burime njerëzore për ta përcjellë këtë garë jo pa rëndësi për çiklizmin dhe vet Kosovën. Çiklistët të shtunën garojnë për etapën e tretë në shtegun Pejë-Prizren të gjatë 103 kilometra. Shtegu është i sheshtë. Çiklistët nisën nga qyteti i Pejës që kemi shkruar dje, ndërsa ditën e mbyllin në Prizren, një qytet i lashtë antik që daton nga shekulli i 2 para erës së re, ndërkaq në shekullin e 5-të njihet me emrin Theranda më vonë sipas Prokopit Cezar me emrin Petrizen. Ka afro 178 mijë banorë që llogaritet qyteti më i madh pas Prishtinës.
Një kohë pushtohet nga serbët nga Stefan Nemanja e më pastaj nga osmanët e Prizreni ishte qendra kulturore dhe intelektuale e Kosovës si dhe qendra e zgjidhjes së çështjes shqiptare. Qyteti njihet me shumë objekte të kulturës dhe fetare, si Monumenti i Lidhjes së Przrenit, Xhamia e Sinan Pashës, ajo e Kuklibegut Xhamia e myderis Ali Efendisë, Xhamia Katip Sinan Qelebi, Manastiri Shën Arkangjelit, Kala e Prizrenit, Kisha e Shpëtimit Shenjtë, Zoja e kishës Ljevish, Kisha e Shën Nikollës dhe shumë të tjera.
Ka një ekonomi të zhvilluar, kishte fabrikë të këpucëve, për prodhimin e artikujve ushqimor e në veçanti popullata njihet për zejen e argjendarisë sidomos ata njihen me emrin “Filigran”. Sport: Futbolli (KF”Liria”), hendbolli e basketbolli janë sporte të njohura me renome. Mbahen festivale të këngëve si dikur Festivali ”NGOM”(ndërgjom), “Zambaku i Prizrenit” dhe shumë festivale filmash si “Doku-festi” e tj.
Etapa e dytë
1. Olsion Velija (Apolonia) 4h20’21’
2. Stefan Petrovski (Apollonia) 4h20’25”
3. Alban Nuha(Kosova) 4h20’27”
4. Alban Delija (Kosova) 4h20’31”
5. Christian Formosa (Malta) 4h20’31”