Përzgjedhësi i kombëtares së Zvicrës, Vladimir Petkoviç, publikoi listën e futbollistëve për dy ndeshjet e rëndësishme të eliminatorëve për Euro 2016, kundër Sllovenisë dhe Anglisë. Me 5 shtator (20.45), Zvicra në Basel takohet me Slloveninë, ndërsa tri ditë më vonë (20.45) luan në Londër ndaj Anglisë. Xherdan Shaqiri, Admir Mehmedi, Valon Behrami, Pajtim Kasami, Blerim Xhemaili dhe Granit Xhaka, janë ftuar për këto dy ndeshje. Gjashtë futbollistë shqiptarë në petkun e Zvicrës që do të udhëhiqen nga kryetrimi Shaqiri. Pas gjashtë xhirove në grupin E eliminator, Zvicra renditet në vend të dytë me 12 pikë, ka gjashtë më pak se Anglia dhe tri më tepër se Sllovenia.
Portierë: Roman Bürki (Dortmund) Marwin Hitz (Augsburg), Yann Sommer (Mönchengladbach). Mbrojtës: Timm Klose (Wolfsburg), Stephan Lichtsteiner (Juventus), Fabian Lustenberger (Hertha), Jacques François Moubandje (Toulouse), Ricardo Rodriguez (Wolfsburg), Fabian Schär (Hoffenheim), Steve von Bergen (Young Boys), Silvan Widmer (Udinese). Mesfushorë – sulmues:Valon Behrami (Watford), Josip Drmiç (Mönchengladbach), Blerim Xhemaili (Galatasaray), Breel Embolo (Basel), Gelson Fernandes (Rennes), Gökhan Inler (Leicester), Pajtim Kasami (Olympiakos Piräus), Admir Mehmedi (Bayer Leverkusen), Haris Seferoviç (Eintracht Frankfurt), Xherdan Shaqiri (Stoke), Valentin Stocker (Hertha Berlin) dhe Granit Xhaka (Mönchengladbach).
