Portieri i Manchester Unitedit, David de Gea mund të transferohet në Real Madrid në ditën e fundit të afatit kalimtar të verës.
David de Gea dhe Real Madrid, vazhdojnë të jenë afër njëri tjetrit.
Sipas të përditshmes sportive madrilene “Marca”, Portieri i Manchester Unitedit, mund të transferohet në Santiago Bernabeu në ditën e fundit të afatit kalimtar të verës.
“Red Devils” kërkojnë 40 milionë euro për shitjen e reprezentuesit spanjoll i cili nuk ka bërë asnjë paraqitje në sezonin e ri, në pritje të sqarimit të ardhmes së tij.
De Gea është afër Realit, por nëse nuk transferohet tani në Madrid, ai mund ta bëjë pas një viti, madje si futbollist i lirë përderisa nuk e vazhdon kontratën në Old Trafford.