Mbrojtësi i PSG-së, Thiago Silva ka thënë se Di Maria është duke bërë një hap më të madh në karrierën e tij duke u bashkuar me kampionin e Francës.
Argjentinasi do t’i kryej sot testet mjekësore në Katar pasi Manchester Unitedi është pajtuar që të shesë Di Marian për 44 milionë funta.
“Njerëzit tani duhet ta respektojnë PSG-në si njërin ndër ekipet më të mëdha në Evropë. Real Madrid dhe Barcelona janë në një tjetër nivel, por pas tyre nëse bashkohesh me PSG-në, mendoj se po bëni një hap shumë të madh në karrierë. Ne vitin e kaluar shkuam më lartë se të gjitha klubet angleze”, ka thënë Thiago, raporton Sky Sports.
Klubi francez kishte eliminuar Chelsean në fazën eliminatore të Ligës së Kampionëve që ishte ekipi i fundit anglez në atë garë për sezonin e kaluar.