Menaxheri i Manchester Cityt, Manuel Pellegrini, nuk ka dyshim se shpenzimi i bërë për Raheem Sterlingun ka qenë investim i bërë me shumë mend.
Sterling tashmë ka marrë kritika pas transferimit të shtrenjtë 49 milionë funtesh te City, por paraqtijet e tij të mira në parasezonë kanë bërë që Pellegrini tashmë të ketë besim të plotë te lojtari.
"Ai është lojtar shumë i mirë. Kjo është arsyeja pse e kemi sjellë në ekipin tonë”.
"Ai ka shumë gjëra që ne nuk i kemi pasur në skuadër. Nëse shikoni se si ai ka luajtur ndaj Vietnamit, e shikoni se sa shpejtësi ai ka dhe jam i sigurt se ai do ta dëshmojë në të ardhmen se pse ne kemi paguar aq shumë për të”, potencoi Pellegrini.