Gara për Çmimin e Madh të Britanisë së Madhe në Formula 1 në shtegun e Silverstone, ka qenë shumë e fortë. Piloti i Ferrarit, Sebastian Vettel, ditë më parë tha se arriti në vend të tretë si ‘dhuratë’ nga shiu, ndërsa Niki Lauda, presidenti i Nderit i Mercedesit, ka “thumbuar” Ferrarin në një intervistë për prestigjiozen ‘Bild’. Vettel ishte ngjitur i treti falë shiut që ngadalësoi dy pilotët e Williamsit. Mirëpo, ish-piloti austriak ka thënë: “Nuk dua të dëgjoj më për një Formula 1 të mërzitshme. Në vend që të ankohen, skuadrat e tjera duhet të punojnë më shumë për të bërë makina më të shpejta. Çfarë faji ka Mercedesi nëse Ferrari bën vetëm makarona dhe jo makina të mira”.