Mbrojtësi i talentuar spanjoll i Arsenalit, Hector Bellerin ka lavdëruar punën e trajnerit Arsene Wenger.
Spanjolli i talentuar i cili ka arritur të bëhet pjesë e rëndësishme e klubit londinez, vlerëson lartë punën e teknikut francez.
Aktualisht në Arsenal nga akademia e klubit aktivizohen lojtarë si Gibs, Wilshere, Bellerin, Coquelin e të tjerë.
“Kur e shihni që disa lojtarë luajmë për skuadrën e parë nga akademia e klubit, respekti për Wengerin duhet të dyfishohet”.
“Unë, Wilshere, Gibs apo Coquelin jemi nga akademia në skuadrën e parë falë punës së Wengerit që ka bërë me ne. Fansat tanë duhet ta vlerësojnë më shumë punën e trajnerit”, tha Bellerin.
Bellerin është pjesë e akademisë së Barcelonës, por në moshë të re u transferua në Londër te Arsenali, ndërsa vitin e kaluar arriti të zë vend në formacionin bazë tek ‘topçinjtë’
