Mesfushori i Interit, Xherdan Shaqiri mund të transferohet në Atletico Madrid, gjatë këtij afati kalimtar të verës.
Atletico Madrid ka shprehur interesim për transferimin e mesfushorit të Interit, Xherdan Shaqiri.
Klubi nga Vicente Calderon është në kërkim të një pasardhësi për mesfushorin Arda Turan i cili ka vendosur të largohet gjatë këtij afati kalimtar të verës.
Dhe, e përditshmja sportive katalane “Mundo Deportivo” ka bërë të ditur se Shaqiri – i nxjerr në shitje nga Inter – është në mesin e futbollistëve të kërkuar nga Atletico Madrid.
Ylli nga Kosova së fundmi është kërkuar nga Stoke City, por thuhet se refuzoi transferimin tek klubi i Premierligës.