Ermir Lenjani duket se do të largohet nga skuadra e tij aktuale Rennes.
Mesfushori fantastik i Kombëtares së Shqipërisë nuk ka pasur fat me skuadrën e re Rennes, pasi lëndimet e shpeshta ia pamundësuan që t’i tregoj vlerat e tij.
Majtaku mund të largohet nga Ligue 1, pasi këtë gjë e ka konfirmuar trajneri i Rennes, Philip Montanier ka thënë se nuk mund t’i garantoj pozitë titullari shqiptarit.
“Unë e di që ai është një futbollist i Kombëtares dhe i duhen minuta, por me afrimin e Bal nuk mund të garantoj formacionin e parë për Lenjanin.
Në këtë mënyrë, ai mund edhe të largohet gjatë këtij afati kalimtar të verës”, është shprehur trajneri i skuadrës franceze.
Edhe pse me skuadrën e tij Rennes nuk ka pasur ndonjë paraqitje mbresëlënëse, Lenjani ka qenë gjithmonë lojtari kyç i Kombëtares së Shqipërisë.