Anësori i Napolit, Jose Callejon, do t’i bashkohet Atletico Madridit gjatë kësaj javë – njofton TVE.
Sipas televizionit spanjoll dy klubet kanë arritur marrëveshje për shumën prej 15 milionë eurosh dhe kanë mbetur vetëm disa detaje për t’u sqaruar.
Spanjolli u transferua te Partenopei para dy vitesh nga Real Madridi dhe tash do të luajë te rivali i Mbretërve.
Trajneri i ri i Napolit, Maurizio Sarri, është duke bërë disa ndryshime, pasi lojtarët, si Callejon dhe Dries Mertens, nuk përshtaten në sistemin e tij të lojës.
Gjatë qëndrimit dyvjeçar në San Paolo, Callejon ka shënuar 32 gola dhe ka dhuruar 18 asistime në 111 paraqitje.
