Sulmuesi i Manchester Cityt, Edin Dzeko, nuk ka synime të largohet, pavarësisht spekulimeve që e lidhin menjë kalim te Roma.
Këto komente i ka bërë përfaqësuesi i tij, Irfan Redzepagic, që ka reaguar pas komenteve të Miralem Pjanic se Dzeko do të pranonte ulje page për t’u transferuar te Roma.
“Sinqerisht kam qenë i befasuar nga komentet e Pjanic, përveç nëse ai di diçka që unë nuk di”, ka thënë agjenti për Rete Sport.
“Unë nuk kam pasur kontakte me Romën, e as që jam i vetëdijshëm për ndonjë bisedë në mes dy klubeve”.
“Nuk është çështje financiare; Dzeko thjesht nuk dëshiron të largohet nga Qytetarët”, ka shtuar ai.
