Mediat në Itali kanë raportuar se tre fansa anglezë janë arrestuar pasi kanë provuar të vjedhin bileta të finales së Ligës së Kampionëve nga Juventusi.
“Zonja e vjetër” do të përballet me skuadrën katalunase në Berlin më 6 qershor në tentim që të marrin trofeun më të madh të futbollit.
Sipas “Corriere dello Sport”, tre fansa anglezë janë kapur teksa kishin hyrë me dhunë në bazën e Juventusit në Corso Galileo Ferraris natën e kaluar.
Ata kishin një hartë të Torinos ndërsa dyshohet se në arrati është edhe bashkëpunëtori i tyre i katërt, gjithashtu anglez.
Plani i tyre ishte që të vidhnin biletat e finales së Ligës së Kampionëve dhe t’i shisnin ato në tregun e zi.