Juventus nuk e ka ndërmend të ndalet duke transferuar lojtar cilësorë.
Pasi kanë marrë super talentin Paulo Dybala dhe kanë siguruar kampionin e botës Sami Khediran, ‘Zonja e Vjetër’, tani ka sytë nga braziliani Oscar.
Sipas medieve italiane dhe atyre angleze, kampionët e ri të Italisë janë në negociata me agjentin e lojtarit për një transferim të mundshëm në Torino.
24-vjeçari nuk ka qenë i kënaqur me tretmanin që iu është bërë nga Jose Mourinho dhe ka kërkuar largimin nga Chelsea.
Ndërkohë Juventus është afër marrëveshjes me kushtet personale me lojtarin dhe agjentin e tij, ndërsa po përgatit ofertë në drejtim të kampionëve të Anglisë.
Sipas ‘Tuttosport’, bardh e zinjtë do të dërgojnë 30 milionë euro në drejtim të Chelseas dhe pesë të tjera bonuse për t’i bindur londinezët që të heqin dorë nga Oscar.
